လွန်ခဲ့တဲ့ ( ဖေဖော်ဝါရီ ၂၄၊ ၂၀၁၃ ) တနင်္ဂနွေနေ့မှာ အိန္ဒိယနိုင်ငံ၊ ဘုံဘေ၊ ယခု ( မွန်ဘိုင်း ) မြို့ ကလျန်း Kalyan ဒေသမှာ ဟိန္ဒူဘာသာဝင် အိန္ဒိယနိုင်ငံသားများမှ ထေရ၀ါဒဗုဒ္ဓဘာသာ သို့ ဘာသာရေး ကူးပြောင်း ပွဲတော်ကြီးကို စနေ၊ တနင်္ဂနွေနှစ် ရက်တိုင်တိုင် ခမ်းခမ်းနားနား ကျင်းပတာကို ကြုံခဲ့ရတယ်၊ မိမိတစ်သက် တာတွင် တခါမျှ မကြုံခဲ့ဖူးသော ဘာသာရေးကူးပြောင်းပွဲတော်ကို ကြုံဖူးခြင်းပါပဲ။ ဒီပွဲတော်ကို တက်ရောက် ရင်းရင်ထဲက ပြောချင်တဲ့စကားတွေကို စကားလုံး အဖြစ်ပြောင်းလဲဖော်ပြလိုက်ပါတယ်။
မြန်မာနိုင်ငံမှာတော့ မွေးလာကတည်းက မိရိုးဖလာ ဗုဒ္ဓဘာသာဖြစ်လာကြတာဆိုတော့ ကလေးဘ၀က တည်းက ဘုရားသွား၊ ကျောင်းတက်၊ ဘုရားရှိခိုး၊ ဘုန်းကြီးရှိခိုး စတာတွေနဲ့ အလိုလို ဗုဒ္ဓဘာသာ ဖြစ်လာကြ တာ၊ အခုလို တခမ်းတနား ပွဲတော်ကျင်းပပြီး ဘာသာကူးပြောင်းတယ် ဆိုတာ ပြည်တွင်းမှာ တခါမှ မရှိခဲ့သလိုကြားလည်း မကြားဖူးခဲ့ဘူး။
ဗုဒ္ဓဘာသာကူးပြောင်းတယ် ဆိုတာ ဘယ်လိုမျိုးလဲ၊ သရဏဂုံးသုံးပါး၊ ငါးပါးသီလတွေကို နှုတ်တိုက် ရွတ်ဆို ပြီးရင် ဗုဒ္ဓဘာသာဖြစ်သွားတာ မဟုတ်လား လို့ မေးစရာရှိတယ်၊ မှန်ပါတယ်၊ စာရေးသူစိတ် ၀င်စားနေတဲ့ အချက်က ကူးပြောင်းလာတဲ့ သူတွေရဲ့ ရင်ထဲမှာ ဘယ်လိုစိတ်ခံစားချက်တွေရှိနေမလဲ၊ ဘယ်လိုမျက်နှာထား နဲ့ ၀မ်းသာကြည်နူးနေကြမလဲ စတဲ့ အခြေအနေတွေကို သိချင်ခဲ့တာ၊ ဒီလိုနဲ့ ပွဲတော်မှာ blessing ပေးကာ ပါဝင်ကူညီခဲ့ရတယ်၊
မနက်ပိုင်းမှာ ဗုဒ္ဓဘာသာဝင်များက ရွတ်ဖတ်ကြပြီး လူစုနေကြတယ်၊ နေ့လည်ပိုင်းမှာ ကူးပြောင်းမယ့်သူ တွေကို ပရိသတ်ရဲ့ ရှေ့ဆုံး သံဃာတော်တွေရဲ့ ရှေ့တည့်တည့်မှာ သရဏဂုံချပေး၊ သီလပေးပြီး အနည်း ငယ်ဗုဒ္ဓဘာသာ ဆိုတာ ဘာလဲ ဆိုတာကို ရှင်းပြတယ်၊ ပြီးတော့သူတို့ ကိုးကွယ်ရန် ဘုရားဆင်းတုတော် လေးများနှင့် ပန်းစည်းများကို လက်ဆောင်အဖြစ်ပေးကမ်းပြီး တစ်ယောက်ချင်းစီ၊ ကလေးလူကြီးပါမကျန် ပရိသတ်ကြီးရှေ့မှောက်မှာ ၀မ်းသာစကား ပြောကြားစေတယ်၊ တစ်ယောက်ပြောပြီးတိုင်း ပြောပြီးတိုင်းမှာ ပရိသတ်အားလုံးကလဲ လက်ခုတ်သြဘာသံများ တစ်ဖျောင်းဖျော င်းပေးပြီး အားပေးနေကြတဲ့ မြင်ကွင်းဟာ မိမိတသက်တာမှာ ပျော်ရွှင်ကြည်နူး စရာ မြင်ကွင်းတစ်ခုပါ၊ ဘ၀မှာ အမှတ်တရ ရှိနေစေမယ့် ခဏတစ်ခုပါပဲ။
အိန္ဒိယနိုင်ငံမှာ မကြာခဏ အခုလိုဗုဒ္ဓဘာသာသို့ ကူးပြောင်းပွဲတော်တွေ ကျင်းပလေ့ရှိပါတယ်၊ သို့သော် မိမိနှင့် ဆက်စပ်မှုမရှိတဲ့အတွက် မသိခဲ့ဘူး၊ ၁၀ ယောက်၊ အယောက် ၂၀၊ အယောက်(၅၀) စသဖြင့် အခွင့်ကြုံရင် ကြုံသလို၊ အုပ်ချုပ်ရေးပိုင်းက ခွင့်ပြုချက်ရရင် ရသလို ဘာသာပြောင်းပွဲ ကျင်းပကြပါတယ်၊
ဟိန္ဒူတွေကြီးစိုးတဲ့ နိုင်ငံမှာ ဟိန္ဒူကနေ အခြားဘာသာ ပြောင်းဖို့ ကျင်းပခွင့်ပေးတယ် ဆိုတာ အစိုးရပိုင်းက တော်တော် သဘောထားကြီးလို့ပါ၊
သမိုင်းဝင် ဗုဒ္ဓဘာသာသို့ ကူးပြောင်းပွဲကြီး
တခေတ်တစ်ချိန်ကတော့ သမိုင်းတွင်စေမယ့် ဘာသာပြောင်းပွဲကြီးကို အိန္ဒိယနိုင်ငံ၊ နာဂပူရ် Nagpur မြို့မှာ ကျင်းပခဲ့တော့ တစ်နိုင်ငံလုံး တုန်လှုပ်သွားခဲ့ဖူးတယ်၊ အုတ်အုတ်ကျက်ကျက်လဲ ဖြစ်ခဲ့ဖူးတယ်၊ အဲဒီနေ့ဟာ 1956 ခုနှစ်၊ October (14th) ရက်။
ဇာတ်နိမ့်၊ ဇာတ်မြင့်ခွဲခြားဆက်ဆံတတ်တဲ့ ကမ္ဘာမှာ တနိုင်ငံတည်းသာ ရှိတော့တဲ့ အိန္ဒိယမှာ ဇာတ်နိမ့်မျိုးရိုး Untouchable Caste ( Untouchable Caste-ဆိုတာမွေးလာသူမှန်သမျှ မည်မျှပင်ထူးချွန်၊ ထက်မြက် နေစေကာမူ အမှိုက်ကျုံး၊ မစင်ကျုံး၊ သန့်ရှင်းရေး၊စသော အောက်ခြေသိမ်းအလုပ်များမှလွဲ၍ ကျန်တာ ဘာမှ လုပ်ပိုင်ခွင့်မရှိ၊ နိုင်ငံရေး၊ စီးပွားရေး၊ လှုမှုရေး၊ ပညာရေးအားလုံး ဘာမှ သင်ယူလေ့လာခွင့်မရှိအောင် နှိမ်ကွပ်ခံထားရသောလူမျိုးစုများကို ခေါ်သည်) အဆိုးဆုံးက အကိုးကွယ် ခံ ဗြဟ္မဏအနွယ်ဝင် ပုဏ္ဏားမျိုး တွေက သူတို့သာ ဖန်ဆင်းရှင် မဟာဗြဟ္မာကြီးရဲ့ ပါးစပ်ကမွေးဖွားခဲ့တာ၊ သူတို့သာ အမြတ်ဆုံး ဆိုပြီး လူအများစုကို နှိမ့်ကွပ်ချိုးနှိမ်ထားခဲ့တာပါ။
ထိုကဲ့သို့သောဇာတ်နိမ့်မျိုးရိုးမှ မွေးဖွားလာသော်လည်း နိုင်ငံတော်၏ တရားသူကြီး၊ နိုင်ငံရေးခေါင်းဆောင်၊ ဒဿနပညာ ရှင်၊ တွေးခေါ်ကြံဆမှုကို ၀ါသနာပါသူ၊ စာရေးဆရာ၊ စီးပွားရေးပညာရှင်၊ တော်လှန်ရေးသမား နှင့် အိန္ဒိယမှာ ဗုဒ္ဓဘာသာ မျိုးစေ့ကို ပြန်လည်တည်ဆောက်သူ စသော ဂုဏ်ထူးဝိသေသမျိုးစုံဖြင့် ကျော်ကြားလှတဲ့ ဒေါက်တာအမ်ဘေဒကာ Dr Babasaheb Ambedkar ဟာ သူ့တပည့်နောက်လိုက် လူဦးရေ (၅သိန်း) ကျော်နဲ့အတူ ဗုဒ္ဓဘာသာသို့ ကူးပြောင်းကြောင်း တရားဝင်ကြေညာကာ အခုလိုပဲ ပွဲတော်ကြီး ကျင်းပခဲ့ ဖူးတယ်။
အဲဒီကနေ ဒေါက်တာအမ်ဘေဒကာ မျိုးစေ့ချပေးခဲ့တာ လူပေါင်း(၅)သိန်းကျော်ကနေ ပွားလာလိုက်တာ ယနေ့အထိ နှစ်ပေါင်း (၅၆) နှစ်ကျော်အတွင်းမှာ အတိအကျခန့်မှန်းလို့ မရအောင်ကို တိုးပွားလာနေပါတယ်၊ ဇာတ်နိမ့်လူမျိုးများရဲ့ တစ်ခုတည်းသော ထွက်ပေါက်ဆိုရင်လဲ မမှားပါဘူး၊ ဇာတ်မြင့်ပုဏ္ဏားများရဲ့ နှိပ်ကွပ်မှုကို ခံရသော်လည်း သူတို့ဘာသာထက် မြင့်မြတ်သော ထေရ၀ါဒဗုဒ္ဓဘာသာကို ကိုးကွယ်ဆည်းကပ်ခွင့်ရ နေကြတယ် ဆိုပြီး အများစုက ဂုဏ်ယူလေ့ရှိကြတယ်၊ လူ့ဘ၀ကို ပိုပြည့်စုံလာတယ်၊ အဓိပ္ပါယ်ရှိလာတယ် လို့ ခံစားရပါသတဲ့။ Caste System ကြီးစိုးနေတဲ့နေရာတိုင်းမှာ ဘုန်းကြီးသံဃာများ ကို မြင်လျင်- ၀န္ဒာမိ ဘန္တေ-ရှိခိုးဦးတင်ပါတယ် အရှင်ဘုရား ဆိုပြီး လက်အုပ်ချီကာ အရိုအသေပေးလေ့ရှိကြတာ ကြည်နုးစရာပါ။
တစ်ခါက သူငယ်ချင်းတပါးကိုယ့်ရှေ့မှာတင် ဖြစ်ပျက်တာ ကြည့်ပြီး အားလုံး ရယ်ကြရသေးတယ်၊ ဒီက ဗုဒ္ဓဘာသာဝင်များက ရဟန်းသံဃာများကို မြင်လျင် ခြေဖမိုးပေါ်ကို သူတို့လက်နဲ့ တို့ထိပြီး နဖူးကို ပြန်ထိကြတယ်၊ ရိုးရာဓလေ့ဆိုတော့ စွဲနေပါပြီ၊ ဖျောက်ဖို့ မလွယ်ဘူး ထင်ပါရဲ့..
မနှစ်က ၂၀၁၂ ခု၊ အောက်တိုဘာလတုန်းက စာရေးသူအပါအ၀င် သံဃာ(၁၅)ပါးခန့် ဒေါက်တာ အမ်ဘေ ဒကာ နှင့် နောက်လိုက် လူဦးရေ(၅)သိန်းကျော် ဗုဒ္ဓဘာသာကူးပြောင်းခဲ့ရာ Nagpur နာဂပူရ်မြို့ကို သိမ် သမုတ်ခြင်းကိစ္စ ဆောင်ရွက်ရန်ကြွခဲ့ကြတယ်၊ ဘာသာကူးပြောင်းရာနေရာမှာDeekshaBhoomi ခေါ်သော ကောင်းမှုတော်စေတီတော်ပုံစံ၊ စေတီတော်ကြီး တစ်ဆူတည်ထားခဲ့တယ်၊ ယခုအချိန်မှာတော့ Tourist Attration နေရာအနေနဲ့တော်တော်ထင်ရှားနေပါပြီ၊
အဆိုပါ ဘုရားစေတီရင်ပြင်ပေါ်မှာ ဗုဒ္ဓဘာသာဝင် ကုလားမတစ်ယောက်က သူငယ်ချင်းဦးဇင်းရဲ့ ခြေဖမိုးကို တို့ထိဖို့အတွက် နောက်က လိုက်တယ်၊ သူငယ် ချင်းကလဲ ဘာမှန်းမသိပဲ လိုက်နေတယ် လို့ထင်ပြီး မသိမသာရှောင်ထွက်သွားတယ်၊ ကုလားမကလဲ လိုက်၊ သူငယ်ချင်းက ရှောင်ထွက်နဲ့ သုံးလေး ကြိမ်လောက်ကွေ့ပတ်ရှောင်နေတာ ကုလားမကလဲ လိုက်လို့ကို မမှီနိုင်ဘူး၊ ဘေးကကြည့်နေသူများအတွက် မသိရင် ပြေးတမ်း လိုက်တမ်း ကစားနေတာ ထင်ရမယ်။
ဒါကို အခြေအနေသိတဲ့ သံဃာတွေက ဦးဇင်း ရှောင်မနေနဲ့၊ သူတို့က ရိုးရာဓလေ့အရ လိုက်နေမှာပဲ. ထိခွင့်ပေးလိုက်.. ဆိုတော့မှ အဆင်ပြေသွားတော့တယ်၊ ကုလားမကလဲ ဒီဆာဒူး ဘာလို့ ပတ်ပြေးနေသလဲ မသိဘူး လို့ တွေးနေမလားပဲ..
“ယနေ့ခေတ် မြန်မာလူမျိုး အိန္ဒိယသာသနာပြုခေါင်းဆောင်ကြီး ဦးဂိုအင်ကာ”
နောက်တဖန် အိန္ဒိယနိုင်ငံမှာ ဗုဒ္ဓဘာသာမျိုးစေ့ ချပေးခဲ့သူတစ်ဦး၊ ယခုလဲ ဗုဒ္ဓဘာသာထွန်း ကားပြန့်ပွား အောင် တနိုင်ငံလုံးအတိုင်းအတာအနေနဲ့ ကြိုးစားနေသူတစ်ဦးကတော့ ဂုရုကြီး ဦးဂိုအင်ကာ Satya Narayan Goenka ဖြစ်ပါတယ်၊ အိန္ဒိယနိုင်ငံတစ်ဝှမ်းလုံး Vipassana Meditation Center ပေါင်း (၆၅)ခုတိတိ ဖွင့်ပေးခဲ့ပါပြီ၊ နိုင်ငံပေါင်းများစွာမှာ တရားရိပ်သာပေါင်း(၁၇၀) ကျော်ဖွင့်လှစ်ခဲ့ပြိးပြီ၊ မိမိရောက်ရှိဖူးတဲ့ အိန္ဒိယနိုင်ငံရဲ့ဗဟိုဖြစ်တဲ့Dhammagiri Meditation Center မှာ ဆယ်ရက်စခန်းကို တစ်လ နှစ်ကြိမ်ပုံမှန် ဖွင့်ပေးထားတယ်၊ ၁၀ ရက်စခန်း တပတ်မှာ ယောဂီပေါင်း (အနည်းဆုံး ၄၀၀ နှင့် ၆၀၀ ) အထက်မှာ ရှိနေ ခဲ့တယ်၊ ဟိန္ဒူ၊ မွတ်စလင်၊ ဗုဒ္ဓဘာသာ၊ ဆစ်လူမျိုးစသည်ဖြင့် ဘာသာပေါင်းစုံ၊ လူမျိုးပေါင်းစုံ လာရောက်ပြီး ၀ိပဿနာတရား အားထုတ် ကြတယ်၊ ဒါက တကြိမ်တည်း၊ တလထဲ မဟုတ်ပါ ဘူး၊ လစဉ် ၂ ကြိမ်ပေါင်း လိုက်လျင် တလ အတွင်းမှာ လူပေါင်း ၁၀၀၀ ကျော် တရားအားထုတ် နေခဲ့ကြရင်းက တရား တော်ရဲ့ အကျိုး ကျေးဇူး၊ ငြိမ်းအေးမှု အရသာများကို ခံစားရပြီး အလိုလို ဗုဒ္ဓဘာ သာဝင် ဖြစ်လာကြ တာတွေ လဲ မရေ မတွက်နိုင် လောက် အောင်ပါပဲ။
အများစုပြောနေကြသလို အိန္ဒိယမှာ သာသနာကွယ်ပြီဆိုတာ မိမိကတော့ လက်မခံပါဘူး၊ ယနေ့ သန်းပေါင်း (၁၂၀၀) ကျော်ရှိတဲ့ နိုင်ငံလူဦးရေ နှင့်နှိုင်းယှဉ်လျင် ရဟန်းသံဃာဦးရေက နည်းနေသေးလို့သာ မထင်ပေါ် တာ၊ လူသိနည်းနေတာ လို့ သတ်မှတ်ချင်ပါတယ်။ ဒီမှာ တွေ့ဖူးတဲ့ ဗုဒ္ဓဘာသာဝင် မှန်သမျှကို မေးကြည့်လျင် ၀ိပဿနာတရားအားထုတ်ဖူးသူတွေချည်းပဲ ဆိုတဲ့အချက်က စာရေးသူရဲ့ ရင်ထဲကို ထိထိခိုက်ခိုက်ဖြစ်စေ ပါတယ်။ (အမည်ခံဗုဒ္ဓဘာသာများ၊ မိရိုးဖလာ ဗုဒ္ဓဘာသာများ အတွက် အတုယူစရာပါ) တစ်ချို့ကလဲ နာမည်ခံက ဟိန္ဒူဘာသာဖြစ်ပြီး ရင်ထဲမှာ ကိုးကွယ် ဆည်းကပ်၊ လက်ခံထားတာက ဗုဒ္ဓတရား တော် များဖြစ်နေကြပါ တယ်။ အဲဒီလို ပုဂ္ဂိုလ်တွေလည်း များပြားစွာ တွေ့ကြရတယ်။
မိမိမြင်သလောက်တော့ အထက်တန်းလွှာ ပညာတတ်အသိုင်းအ၀ိုင်း၊ ရာထူးအာဏာရှိသူ၊ ပစ္စည်းချမ်းသာ သူများက တရားအား ထုတ်ရင်း ဗုဒ္ဓဘာသာဖြစ်လာကြသလို ဆင်းရဲသူများနှင့် အလယ်အလတ်တန်းစား လူတွေကတော့ ဒေါက်တာ အမ်ဘေဒကာကျေး ဇူးနဲ့ ဘာသာပြောင်းလဲလာနေကြတယ် လို့ မြင်မိတယ်။
ဘယ်လိုအကြောင်းနှင့် ဘာသာပြောင်းလဲလာကြသည်ဖြစ်စေ၊ မိမိတသက်တာတွင် ကြုံရခဲ့သော အခုလို ဘာသာကူးပြောင်းပွဲမျိုးကို ကြားရမြင်ရတော့ ဗုဒ္ဓသားတော်တစ်ယောက်အနေနဲ့ အတိုင်းမသိ ၀မ်းသာမိ ပါတယ်။
“လွယ်လွယ်ရတော့ တန်ဖိုးမထားတတ်ကြဘူး”
ဝမ်းသာစိတ်ကို မြိုသိပ်ရင်း တခါက အင်္ဂလိပ်လိုဘာသာပြန်ရေးသားထားသော ဓမ္မပဒကို ဖတ်ကာ အီတလီလူမျိုးအဖြစ် ရောမဘရင်ဂျီ ခရစ်ယာန်ဘာသာမှ အလိုလို ဗုဒ္ဓဘာသာဝင်ဖြစ်လာသော၊ ထိုမျှအား မရပဲ ရှိသမျှ စည်းစိမ်များ ပိုင်ဆိုင်မှုများကို စွန့်လွှတ်ကာ သာသနာ့ဘောင်တက်လှမ်းလာပြီး သကာလ နောင်တစ်ချိန်တွင်အီတာလျံ သာသနာပြုဘုန်းတော်ကြီး ဦးလောကနာထရယ်-လို့ ကမ္ဘာမှာ ထင်ရှားကျော် ကြားခဲ့သူ ဆရာတော်ကြီးရဲ့ ဗုဒ္ဓဘာသာဝင်အားလုံးတို့အား ပေးခဲ့သော Messages လေးကို ပြန်လည် မျှဝေလိုက်ပါတယ်။
“ဒကာကြီး၊ ရှင်ဘုရင်ရဲ့ သားဟာ ခမည်းတော် နတ်ရွာစံပြီး အလိုလို ဘုရင့် အရိုက်အရာကို ရရှိလာတော့ ဘုရင်ဖြစ်ရတဲ့ တန်ဖိုးကိုလည်း မသိဘူး၊ ဘုရင့် တာဝန် ဝတ္တရား ဘယ်လောက် ကြီးမှန်းလည်း မသိဘူး၊
ဒီလိုပဲ ဒကာကြီး၊ မွေးကတည်းက ဗုဒ္ဓဘာသာ ဖြစ်လာသူတွေဟာလည်း ရတနာသုံးပါးရဲ့ တန်ဖိုး၊ သိက္ခာ သုံးရပ်ရဲ့ တန်ဖိုးနှင့် အစွမ်းသတ္တိတွေကို နားမလည်ကြဘူး၊
ဆင်းရဲသားက ရှင်ဘုရင် ဖြစ်သွားတဲ့ လူကျတော့ ဘုရင်တပါးရဲ့တန်ဖိုးကို ပိုသိတာပေါ့၊ ဘဝမှာ သဒ္ဓါ၊ သတိ၊ ဝီရိယ၊ သမာဓိ၊ ပညာ စတဲ့ စိုက်ထုတ်ခဲ့ရတဲ့ တန်ဖိုးတွေ ဘယ်လောက် ကြီးမားတယ် ဆိုတာ ကိုယ်တိုင် သိမြင်ခဲ့ရတဲ့ အခါကျတော့ မိုက်စရာ ရှိတာတောင် မမိုက်ချင်တော့ဘူး၊ အနစ်နာ ခံခဲ့ရတာတွေ၊ ဆုံးရှုံးခဲ့ ရတာတွေ၊ စွန့်လွှတ်ခဲ့ရတာတွေ ဘယ်လောက် များတယ် ဆိုတာ သူပဲ သိတယ်၊ ဒီတော့ ရတနာ သုံးပါးကို ကြည်ညိုရတိုင်းမှာ ပီတိဖြစ်ရတာပေါ့၊
ဒီလိုပဲ ဒကာကြီး၊ တစ်ခြား ဘာသာ အယူဝါဒကနေ ထေရဝါဒ ဗုဒ္ဓဘာသာဝင် အဖြစ်ကို ကူးပြောင်း ရောက်ရှိလာသူတိုင်းဟာဆင်းရဲသားက သန်းကြွယ်သူဌေး ဖြစ်ရတဲ့ လူလိုပဲ ခံစားရတယ်” … တဲ့။
(1956)ခုနှစ်၊ အောက်တိုဘာ 14th ရက်နေ့က အိန္ဒိယနိုင်ငံတောင်ပိုင်း၊ မဟာရရှရပြည်နယ်၊ နာဂပူရ်Nagpur မြို့တွင်ဟိန္ဒူဘာသာဝင်ပေါင်း (၅) သိန်းကျော် တပြိုင်နက် ဗုဒ္ဓဘာသာသို့ကူးပြောင်းခဲ့ရာ နေရာတွင် အမှတ်တရအဖြစ် တည်ထားခဲ့သော DeekshaBhoomi ခေါ် သမိုင်းဝင်စေတီတော်ကြီး..
အဖိနှိပ်ခံ၊ အနှိမ်ခံ ဇာတ်နိမ့်ဘ၀မှ Untouchable Caste System ကို အသက်ပေးကာ တွန်းလှန်ခဲ့သူ၊ အိန္ဒိယလူမျိုး၊ ဗုဒ္ဓဘာသာတို့ရဲ့သူရဲကောင်း၊ နိုင်ငံ့သူရဲကောင်း ဒေါက်တာ အမ် ဘေဒကာ
လူလူချင်းအတူတူ အကြောင်းမဲ့သက်သက် အဖိနှိပ်ခံ ဇာတ်နိမ့်ခွဲခြား ဆက်ဆံခြင်းများ တိုက်ဖျက်သင့်နေပါပြီ၊ ယနေ့ကမ္ဘာမှာ လူတိုင်းတောင့်တနေကြတဲ့ Human Right ဆိုတာ ဒါပါပဲ.. လူဖြူ လူမည်းခွဲခြားခြင်း၊ အသားအရောင်ခွဲခြားခြင်း၊ အာရှလူမျိုး၊ ဥရောပလူမျိုး ခွဲခြားဆက်ဆံခြင်း စတာတွေ မရှိသင့်တော့ပါဘူး..
(ဤပို့စ်ဖြင့် ဟိန္ဒူဘာသာမှ ဗုဒ္ဓဘာသာဝင်အဖြစ် ကူးပြောင်းခြင်းပွဲတော်သို့ အတူတကွ ကြွရောက်ချီးမြှောက် ကြသော အရှင်ဝါယာမ ( ရွှေမှော်ဝန်းဆရာတော်) အရှင်မေဓာနန္ဒ ( သီတဂူ၊ စစ်ကိုင်း) အရှင်ကောဝိဒ သိရီ (သီတဂူစတား၊ စစ်ကိုင်း) နှင့် အခမ်းအနားတွင် ဗုဒ္ဓဖြစ်တော်စဉ် ဆိုင်ရာသိသင့်သိထိုက်သည်များကို စာတမ်းဖတ်ကြားခဲ့သော အရှင်ဝိစိတ္တာလင်္ကာရ ( ကျောက်တန်း) တို့အား ကျေးဇူးတင် ဂုဏ်ပြုအပ်ပါသည် )
“ဗုဒ္ဓဘာသာဝင်မှန်သမျှ အလွယ်တကူ ရရှိထားသော ဗုဒ္ဓဘာသာဝင်အဖြစ်ကို တန်ဖိုးထား မြတ်နိုးတတ် ကြပါစေ” …
အရှင်သုနန္ဒာလင်္ကာရ M.A (ပန်းကမ္ဘာ) ဆိုဒ်မှ ကူးယူဖော်ပြသည်။
စာဖတ်သူအားလုံးသက်ရှည်ကျန်းမာစိတ်ချမ်းသာပြီးလိုရာဆန္ဒများတစ်လုံးတစ်ဝတည်းပြည့်ဝကြပါစေ။
အရှင်ဝိမလဝံသ(နာလန္ဒာတက္ကသိုလ် အိန္ဒိယနိုင်ငံ)
